Në fillim të viteve ’90, Turqia dhe bota islame po përballeshin me sfida të mëdha në ekonomi, integritet dhe zhvillim. Ishte pikërisht në këtë kohë kur një grup biznesmenësh idealistë, të frymëzuar nga vlerat etike dhe besimi në zhvillimin e qëndrueshëm, vendosën të ndërtonin një organizatë ndryshe – jo vetëm për të rritur kapitalin, por për të ndërtuar një botë më të drejtë dhe të zhvilluar. Kjo ishte lindja e MUSIAD – Müstakil Sanayici ve İşadamları Derneği (Shoqata e Industralistëve dhe Biznesmenëve të Pavarur).

 Themelimi dhe vizioni fillestar

Më 9 maj 1990 në Stamboll, 12 biznesmenë vendosën të krijonin një platformë që do të promovonte:

 Zhvillimin ekonomik të qëndrueshëm,

Partneritetet mes biznesmenëve me etikë dhe integritet,

Modelin e një ekonomie që ndërton jo vetëm pasuri, por edhe shoqëri me dinjitet.

MUSIAD u ndërtua mbi vlerat e besimit, vetë-mjaftueshmërisë, zhvillimit kombëtar dhe ndershmërisë në treg.

 Rritja dhe ndërkombëtarizimi

Nga një organizatë lokale në Turqi, MUSIAD u transformua në një rrjet global që sot ka:

 Më shumë se 14,000 anëtarë në mbarë botën,

Prezencë në 99+ shtete me 185 zyra përfaqësimi,

Kontribute të jashtëzakonshme në zhvillimin e sektorëve strategjikë në Turqi, Ballkan, Afrikë dhe Lindjen e Mesme, Shba, Japoni e me gjere.

Organizata u kthye në një motor të diplomacisë ekonomike, duke krijuar mundësi të reja për partneritete ndërkombëtare dhe duke rritur rolin e botës islame në ekonominë globale.